KONGRESI i 21-të MBARËKOMBËTAR i ORL-së dhe KIRURGJISË KOKË-QAFË

Me shumë kënaqësi njoftojmë se si rezultat i bashkëpunimit tejet domethënës mes Shoqatës së ORL-së dhe Kirurgjisë Kokë-Qafë të Kosovës dhe Shoqatës Shqiptare të ORL –së dhe Kolegjit të Kirurgëve të Kosovës,

Kongresi i 21-të Mbarëkombëtar i ORL-së dhe Kirurgjisë Kokë-Qafë sivjet do të mbahet në kuadër të Kongresit të Parë Klinik të Kirurgëve Shqiptarë, njëherësh edhe Kongresit të 5-të Klinik të Kolegjit të Kirurgëve të Kosovës, i cili do të mbahet nga data 25 deri më 28 Shtator 2025, në Hotel Emerald, Prishtinë.

Kongresi i 21-të Mbarëkombëtar i ORL-së dhe KKQ-së do të ketë mbi 20 ligjërues eminentë nga vendet organizative dhe një numër ligjëruesish të ftuar ndërkombëtarë.

Ky bashkorganizim do të forcojë edhe më tej lidhjet ndërmjet strukturave shkencore dhe profesionale ndër kolegët shqiptarë.